Labarai

Farashin dala na ci gaba da sauka a Najeriya

Farashin dala na ci gaba da sauka a Najeriya

Farashin dala na faɗuwa a kasuwannin canjin kuɗi a Najeriya daga naira 940 zuwa naira 890 a safiyar Laraba, kamar yadda bayanan da BBC ta samu daga kasuwannin canji a birnin Legas suka nuna.

 

Bayanan sun ce a safiyar jiya Talata, an sayar da dalar Amurka a kan naira 940, da yamma kuma, ta fadi zuwa naira 927 a kasuwannin canjin na Legas.

APPLY NOW!  Yan Kalare Sun Cirewa Wani Hannu A Gombe

 

Wannan na zuwa ne bayan ganawa da muƙaddashin gwamnan babban bankin kasar, Folashodun Shonubi, ya yi da Shugaba Bola Tinubu a ranar Litinin, kan yadda za a farfaɗo da darajar Naira.

 

A kasuwannin canji na Abuja kuma, a safiyar Laraba, dalar ta fadi zuwa naira 900, bayan a safiyar Talata, an sayar da ita a kan naira 947, da dare kuma, ta sauka zuwa 910.

APPLY NOW!  Anfani da fetur a Najeriya ya ragu kashi 35 cikin 100

 

Haka ma Kano da ke arewacin ƙasar, bayanai daga kasuwar canji ta Wapa na nuna cewa dalar ta faɗi daga naira 946 a safiyar Talata zuwa naira 900 a safiyar yau Laraba.

 

A daren jiya, dalar ta fara sauka a kasuwannin canji na Kano inda ta fadi zuwa naira 927.

 

Wannan lamari na nuna cewa darajar naira ta fara farfadowa, bayan fargabar da aka yi ta nunawa daga makon jiya cewa dalar Amurka na iya kai wa har sama da naira 1,000.

APPLY NOW!  Yanzunnan Tinubu Ya Bayyana Labari Medadi Ga Yan Nigeria Kan Tallafin Man Fetur

 

Daga bisani, BBC Hausa ta sake tuntubar masu hada-hada a kasuwannin canji na Abuja, inda suka bayyana mana cewa dalar ta sake faduwa daga naira 900 da aka bude kasuwa da ita da safe zuwa naira 800 da misaln karfe 1:00 na rana a yau Laraba.

 

A kasuwar canji ta kano kuma, wani dillali ya shaida mana cewa an sayar da dalar a kan naira 890 daga karfe 1:30 na rana, ba kamar yadda aka sayar da ita naira 900 a safiyar yau ba.

APPLY NOW!  Dalibi ya ratsa ƙasashe shida a kan keke don shiga Jami'ar Al-Azhar

 

Amma kamar a legas, farashin bai sauya ba.

 

Hakan dai na nuna yanayin saurin sauka da tashi na kasuwar canjin kudaden waje na Najeriya a wannan lokaci da ake ciki.

Advertisement