Labarai

Gobara ta kashe sama da mutum 100 a wajen wani biki a Iraƙi

Gobara ta kashe sama da mutum 100 a wajen wani biki a Iraƙi

 

 

Gobara ta kashe sama da mutum 100 a wajen wani biki a Iraƙi » Alfijir

Sa’o’i 2 da suka wuce

Sama da mutane 100 ne suka mutu yayin da wasu sama da 150 suka jikkata bayan tashin wata gobara a wajen wani ɗaurin aure a arewacin Iraqi.

 

Kafar yaɗa labarai ta ƙasar ra rawaito jimi’an hukumar tsaro ta Civil Defence na cewa wutar ta tashi ne yayin da ake gudanar da bikin a wani ɗakin taro dake lardin Hamdaniyya.

 

Daruruwan mutane ne suka halarci bikin da aka yi a lardin Nineveh, kafin wutar ta tashi a ranar Talata da daddare.

 

Babu dai wanda ya san sababin tashin wutar, amma rahotannin farko sun ce ta tashi ne bayan tartsatsin wutar da ake kunnawa amarya da ango.

 

APPLY NOW!  Menene gaskiyar labarin da ake yadawa, na farashin Man Fetur zai koma Naira 250 ko 300 a sati mai zuwa?

Har yanzu ba a kai ga tabbatarwa ba idan ango da amaryar ba sa cikin waɗanda suka mutu ko suka jikkata.

 

Amma rahotanni a cikin gida na cewa suma tuni sun mutu tare da sauran, amma daga baya kamfanin dillancin labarai na ƙasar Nina ya rawaito cewa ba su mutu ba amma suna cikin waɗanda suka jikkata.

APPLY NOW!  DA ƊUMI-ƊUMI: Gwamnati ta hana sayar da finafinai fassarar Indiya

 

Wani hoto da Nina ya wallafa ya nuna gwamman masu aikin kashe wuta na ta fama, yayin da wasu hotunan ke nuna ƙonannun kayayyakin da suka kone a dakin taron

 

Rahotanni sun ce an ƙawata ɗakin da kayayyakin da ke saurin kamawa da wuta, kuma sun taimaka wajen habbakar wutar.

APPLY NOW!  Rasha za ta kammala samar wa Najeriya jiragen yaki

 

“Wutar ta kai ga rushewar wani ɓangare na ginin ɗakin taron sakamakon ƙawata shi da aka yi da abubuwa masu saurin kamawa da wuta, kayan gini ne masu araha waɗanda ke ƙonewa cikin gaggawa,” in ji daraktar hukumar tsaro ta civil defence.

 

Rufin ceilling ɗin dakin ne ya fado ya danne mutane da dama in ji kamfanin dillancin labarai.

APPLY NOW!  INNÀ LILLAHÍ WA'INNÁ ILAIHÍ RAJI’ÙN: Young Shêikh Yayi Babban Rashi

 

Shaidu sun ce da misalin ƙarfe 10 da 45 daidai da 7 da 45 agogon GMT wutar ta tashi.

 

Gobara ta kashe sama da mutum 100 a wajen wani biki a Iraƙi » Alfijir

Gobara ta kashe sama da mutum 100 a wajen wani biki a Iraƙi » Alfijir